Саудия Арабистони 40 мингта имомни қайта тайёргарликдан ўтказишга қарор қилди.
Ушбу режа тафсилоти Саудиядаги нуфузли рўзномалардан бири "Аш-Шарқ ал-Асват" - да чоп этилди.
Режа бир неча йил муқаддам Саудия қироли томонидан бошлатилган жамиятда мўътадиллик ва тоқатлиликни тарғиб этиш дастурининг
бир қисмидир.
Рўзномага кўра, имомларни қайта тайёргарликдан ўтказиш вазифаси Диний Ишлар Вазирлиги ва Миллий Мулоқот Маркази зиммасига
юклатилган.
Беш йил муқаддам таъсис этилган Миллий Мулоқот Маркази Исломий тоқатлиликни тарғиб этади.
Саудия жамияти биргина хавфсизлик чораларини кучайтириш билан қуролли жангариларга қарши курашиб бўлмаслигини яхши тушунади.
Ишончсизлик
Саудиядаги руҳонийлар мамлакат ёшларини глобал жиҳодга ташвиқ этиш ёда улар орасида ғайримуслимларга қарши адоват ўтини ёқишда
айблаб келинади.
Ўтган бир неча йил давомида бир мингга яқин имом ўз вазифасидан бўшатилди.
Аммо танқидчилар Саудия Арабистонида ўта қудратли ва ўта консерватив руҳонийлар таъсири кучсизланмас экан, бундай чора-тадбирлар
натижа бермаслигини айтишади.
Бор йўғи бир ҳафта муқаддам таниқли диний раҳбарлардан бири мсулмон ўз динини ўзгартира олмаслиги ҳақидаги анъанавий қарашни
савол остига олган икки либерал ёзувчи бошини танасидан жудо қилишга чақирган эди.
Manba:"BBC"
|